Завьтай Зараа : Элсэн далай

Hello and welcome to beautiful Template.

Элсэн далай

Олон жилийн өмнө интэрнэт дээр тавигдсан байсан ухуулгын хуудас оройруу орж байна... Сайн санахгүй байгаа ч "ус нь урсахаа байгаад ан амьтангүй хувхайрсан цөл болсон байхад мөнгийг ууж, алтыг идэж болдоггүйг ухаарна даа" гэсэн утгатай байсан билээ.

Тэр үед нь хэдийгээр ухаарч ойлгож байсан ч байгаль эхээ хамгаалах сачий минь дутагдаж хий дэмий халагласан сэтгэгдэл үлдээхээс илүү юм хийж чадаагүй минь тун харамсалтай.

Тэр цагаас хойш байгаль дэлхий нүдэн дээр минь л шуламсанд илбэдүүлсэн мэт хувьсан өөрчлөгдөж хувхайрч сайршаад, үржил шимгүй хөрс, элсний нүүдлээр элбэгшижээ. Хуучин цагийн хангай газрын тухай домог мэт хууч яриа мөрөөдөлд умбуулахад нүүрэнд минь инээмсэглэл тодорч байдаг болсон.

Нүүрс шиг хар шороо, элсээр нүүр нүдгүй шуурч гэрээсээ цухуйх ч аргагүй болжээ. Цай хоолонд урилгагүй жор нэмэгдсэн нь элс. Анх хэн хоолонд минь элс шороо хийгээд байгаа тухай асуудал үүсгэж эхнэрийн заваан хоол хийдгийг гайхаж аргаа бардаг байсан боловч нийтийн хоолны газрууд хүртэл элс шажигнасан хоол өгөөд ирэхээр учрыг нь олж билээ. Одоо ч дасчдээ. Хуучин цагт бол говьд л элстэй хоол иддэг байсан тухай хууччуул ярих юм.

Намхан байшингууд элсний нүүдэлд дарагдаж хуучин цагийн траншейныхан шиг дээрээсээ ордог болсон бөгөөд шөнийн шуурганд хунгарласан элс хаалга, тооно дарчихаад өглөөдөө гэрээсээ цухуйна гэдэг хүнд асуудал. Дээрээсээ ордог элсэнд булаатай байшинг "тоонон хаалгат" гэж нэрлээд нилээд уджээ. "Тоонон хаалгатууд" өдөр ч бай шөнө ч бай гэрэл үздэггүй. Цонх хийгээд ч нэмэргүй, элсэнд дарагдчихна.

"Тоонон хаалгат" хэдэн айл сураггүй алга болоод аврах ангийнхан хэд хоног хайж ухсаны эцэст өлсөж үхэхийн даваан дээр байсан хэдэн хүнийг аварсан тухай мэдээллэв. Өндөр яндантай байсан тулдаа агаар солилцож амь гарсан тухай аврагдагсад ярьж байхдаа нүдэнд нь тэр гэхийн тэмдэггүй айдас хургасан харагдлаа. Яндан гэснээс, тоонон хаалгатуудад "яндан уртасгагч" зардаг шаггүй ашигтай бизнес дэлгэрсэн. Яндангаа уртасгахгүй бол элсэнд дарагдан агааргүйдэж үхэх тул хоол унднаас дутуугүй чухал хэрэгцээ. Нэг метр яндан уртасгагч 10 лирт усны үнэтэй.

Юмны үнийг усаар хэмждэг болсоноос хойш ус зардаг хүмүүс л хамгийн том баячууд. Ядаж байхад хоорондоо үгсэн хуйвалдаад үнээ зэрэг нэмж засаг төр, ард түмнээ сандралдуулан бужигнуулна.

Зайлуул шаварт унасан шарын эзэн гэгчээр Засгийн Газар, Улсын Их Хурал маань усны үнийн хөөрөгдөлийг зогсоох гэж шар махтайгаа хатаж гуйж нэг үзнэ, уурлаж нэг үзнэ, татваргүй болгож бас нэг үзээд олигтой шийдвэрт хүрээгүй хуралдсаар...

Цаадуул нь бас аргагүй байдал яриад л. Хойд хөршийн Байгаль далайгаас ус импортлох тал дээр хүндрэлүүд байнга үүсээд байдаг л гэнэ, татвараа нэмдэг л гэнэ. Байгаль далай хүртэл ширгээд зарим газраараа хилэм загаснууд нь ангалзаад үхэж байгаа л гэнэ. Бизнес хийж байгаа юм хойно ашиг боддог л байлгүй хөөрхий. Аргаа бараад өмнөд хөршөөс ус импортлох гэхээр хуурамч, хулхи ус холиод байгаа сураг чих дэлсээд авсан. Хятадууд ч муу юмандаа сайн цуснууддаа.

Оюу-Толгойд ажиллахаар явсан дүү маань хэдхэн жил ажиллаад уурхайн нөөц дууссан гээд цомхотгогдоод ирж байгаа. Оюу-Толгой маань онгойсон хар нүх л үлдсийм байх. Хэд хоногийн өмнө утсаар ярихдаа Оюу-Толгойн тухай, уул уурхайн мэргэжилтэй хүнд ажил олдохоо байгаа тухайгаа ярилаа. Уул уурхайн сургуулиудын сургалтын төлбөр хамгийн хямдхан нь ч байсан гэсэн оюутан олдохгүй болсон учрыг тайлав. Гүйээ нээрээ хаана ажиллана гэж нөөц нь дууссан салбарын мэргэжилтэн болж байхавдээ.

Монголд газрын баялаг гээд байх юмгүй болсон ч гэсэн Эрдэс Баялагийн сайд маань харин шилний үйлдвэрт элсээ экспортолж хэдэн тонн ус авчирах юм гэсэн шүү. Буурлын маань буян их юм зайлуул. Бүх хэвлийг нь сийчээд хамаг баялагийг нь дуусгасан ч элс нь хүртэл бидэнд өл залгуулах юм даа. Чингис хаан маань биднийхээ ингэж хөглөж байхыг харвал яасан их гомдох болоо хөөрхий.

Дасал болсон таагүй бодолдоо дарагдаж байх зуур догшин элсэн шуурганд цонхны муудсан түгжээ мултарч саван тас хийх чимээ гарч онгойхдоо олон жил ороогүй бороон дуслууд биенд минь сэрүү татуулан орлоо. Цочин сэрвэл хөнжил, дэрээ хөлөрч халууртлаа тас зуураад хар дарсан байлаа. Гал тогооныхоо өрөөнд орж цорго нээн цэл хүйтэн усыг ханатлаа залгиллаа. Гадаа зөөлөн бороо шивэрч, онгорхой орхисон нээлхийгээр намрын чийгтэй шөнийн цэвэр агаар сэнгэнэж байлаа.

"Өнөөгийн Монгол" нийтлэлийн уралдаанд зориулж бичив
start=-38 , cViewSize=50 , cPageCount=1

12 сэтгэгдэл:

null
Үлэмжийн чанар

Казакстаны жишээ харамсалтай шүү тээ

SUNshine (зочин)

Сайн нийтлэл болжээ
Нээрээ хий халаглахаас өөр юу ч хийж чадахгүймдаа

Турьхан (зочин)

хэзээ мөдгүй ийм болно гэж бодохоор л ...

3apaa

Үлэмжээ Казакстан яасын?

Саншайн баярлалаа. Гэхдээ тийм сайнгүй болсон бололтойдогоо хүмүүсийн сэтгэгдлийг харахад.

Турьхан минь муухай хар дарсан зүүд байж уу?

Janna (зочин)

Goyo niitlel boljee. Eruusuu mongol ch bish delhii niiteeree ene baidlaas yaj garah ireeduid yamar ur duntei ajil hiih geed NUb odoo huraldaj baina. Manaihan hotiin utaa, hog hayagdal geed heden ch say $-iin tusul Japantai heregjuulev. Ur dun alga. Daraagiin udaa utaanii talaar bichuushtei shuu. Amjilt

AntiDotE

Гэцүүм даа тэ. Эхэндээ ч бараг хаана ингээ юм бол гээл бодох шахав.

Зочин

bid nar ym hiij chadnaa. demii hooson halaglahgui ym hiij chadna shuu dee. Ter n yadaj gadur yawahdaa HOG hayahgui bh shuu dee. tatsan tamhinii ishee gazar bish hogiin sawand, idsen chihriin tsaasaa hogiin sawand hayaj surah hereg shuu dee. bid nariih hiij chadah hamgiin engiin zuil shuu dee. manaihaan...
tgd bas huuhduuded eniig yas mahand n shingeej ogoh heregtei....
bi hichiij chadna shuu dee.MONGOLCHUUDAA

secretwish (зочин)

Ицми блогоо нээчээд байхад яасан уджээж нээдийн, хүн хүлээгээд байхад чинь :P

Зочин

1

secretwish (зочин)

ene blog yag ene tsul shig ingeed gatchihsan...

marilyn manson (зочин)

Юутай ийтэйгээ хатчихсан ш д Блог нь ч эзэн нь ч гсн

www.ulemj.com (зочин)

Юутай ийтэйгээ хатчихсан ш д Блог нь ч эзэн нь ч гсн

Сэтгэгдэл үлдээх



(нийтэд харагдахгүй)

(оруулах албагүй)
(HTML синтакс зөвшөөрөгдөөгүй)


(Зурган дээрх тоог оруулна уу)